Type and Enter to Search

Revista digital cultural de Santiago de Compostela

Agenda Cultura Teatro

Sesión Golfa de #camiños no Galicia Escena Pro (OFF)

A función de ButacaZero en coproducción co CDG poderá verse no Auditorio do colexio La Salle o luns 11 de xuño ás 23:30 h.

 

Redacción / fotografía: ButacaZero

ButacaZero volve atracar en Compostela coa súa última produción: #camiños, aproveitando a presenza de programadores e programadores motivada polo Galicia Escena Pro. A sesión, que terá lugar o luns 11 ás 23:30h, está fóra de programa, máis en todo caso será gratuíta para todas as persoas que desexen achegarse ao Colexio La Salle.  

#camiños é unha peza de teatro físico, poético e moi político que pecha unha triloxía sobre a memoria, neste caso, a memoria do noso pobo, e veu abalada polo Centro Dramático Galego, que co-produce a obra, que se estreou no Salón Teatro o pasado 25 de xaneiro. 

A peza nace dunha investigación sobre a multitude de aldeas abandonadas que, cada día máis e máis, enchen a nosa terra. E percorrendo eses camiños na procura de lugares deshabitados, Carrodeguas e Castiñeira foron tecendo unha peza que nos leva, precisamente, de camiño a nós mesmos, ao que somos e ao que desexamos ser, ao que fomos un día e ao que un día, podemos chegar a ser. Quen somos os galegos do século XXI? Como nos colocamos no mundo nós, que levamos sempre o móbil pegado á man e vivimos nun mundo globalizado? Que queda dos e das nosas devanceiras dentro da nosa sociedade. Para tecer este mapa, ButacaZero bota man de todos os rexistros escénicos necesarios: coreografías, teatro físico, bufón, música, playback, pasarela, audiovisuais. Unha peza imbuída por un espírito millenial, que, ao igual que as redes sociais nas que adoitamos gastar o noso tempo, é un collage ecléctico que tenta explicar o noso mundo. Un aluvión escénico que pretende non deixar a ninguén indiferente. Unha festa teatral na que celebrármonos pero tamén, reflexionármonos. 

Para abordar #camiños, ButacaZero decidiu volver usar o tándem que xa utilizara para Voaxa e Carmín, xa que Xavier Castiñeira asina de novo a dirección. Pero desta vez, a propia Carrodeguas vai ficar tamén en escena, acompañada de Noelia Blanco, Celina Fernández Ponte, Pía Nicoletti e Noa Covelo. Cinco actrices que lucirán en escena grazas a Diego Valeiras, que se encargou do Vestiario, a Javier Quintana, que leva as luces e a Alba Blanco, quen tamén guiara o traballo corporal en Voaxa e Carmín e que asumiu a dirección da parte coreográfica. A última peza deste collage é Fran X. Rodriguez, que asina os audiovisuais ademáis do videoclip das Churrascas que, como non, actuarán o luns en rigoroso playback.

A maiores, a peza virá distribuída por Culturactiva, coopertativa cultural xa ben asentada na nosa terra, xa que leva dende o ano 2000 traballando na distribución e produción escénica e musical, na formación e na xestión integral de programacións e proxectos culturais comprometidos e transformadores. 

EQUIPO
TEXTO Esther F. Carrodeguas 
DIRECCIÓN Xavier Castiñeira
ELENCO Noelia Blanco, Noa Covelo, Celina Fernández e Pia Nicoletti, Esther F. Carrodeguas
ESCENOGRAFÍA Xavier Castiñeira
ASESORAMENTO ESCENOGRÁFICO Diego Valeiras
VESTIARIO ButacaZero e Diego Valeiras
ASESORAMENTO CORPORAL Alba Blanco
ILUMINACIÓN  Javi Quintana
AUDIOVISUAIS Fran X. Rodriguez
COPRODUTORES Centro Dramático Galego (CDG)

 

Publicado por

Deja un comentario

Tu dirección de correo electrónico no será publicada. Los campos obligatorios están marcados con *

SUSCRÍBETE
Próximos eventos

Mi selección personal de eventos -> no te pierdas 😉


Programación conciertos Sala Capitol

sala capitol, compostela
28 septiembre, 2018 @ 8:00 am - 15 febrero, 2019 @ 5:00 pm

Outono Festival

outono festival, compostela
octubre 19 @ 12:30 am - diciembre 27 @ 8:30 pm

Boas Noites

boas noites, itaca, compostela
noviembre 8 @ 8:00 am - noviembre 30 @ 5:00 pm

Ver más eventos

Síguenos en…

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies